Tuesday, July 11, 2006
نماذج من حكايات الجعليين الشعبية 4
(4)
ديار العالياب
وكت المك عبدالدايم راجل بكرة بت مكابر طهّر على ، و هن بدّو الناس فى الطهارة قبيل شى و حاجات كدى .قات لو : لا يديك رقيق و للا يدّيك حاجة كدى . قول لو داير دفرة جوادى فى تودير ، لامن حصانى يقيف . ترا دفرا من وادى قباتى و قال لو كدى طرحوبى الخط ده . جابو طرحو من هنا الحصان يضّايق يقبضو لامن ياخد نفس و متّور معاهو حجر . قال لهن : محل ما يقف جوادو ينبهج ختولو الحجر ده . لامن جا عند المحل ده ، الحصا نانشقّا اتحول منو و مسك الواطة و رقد فيها جارى . ماخد ماشى فى وساع و مشاور لامن برا خلاس وقع ، قال كدى لى السلطاية زرقا قال لهن : ختّو الحجر فى المحل داك . ده السبب الجاب العالياب هنا و هن جنا و اتوالدو هنا و بقو حلة و بحر كلّ الحلة هولن و البحر ده هولن و الغرب هولن
# posted by Unknown @ 5:11 AM 
